Бүгін лицей директоры Ж.М.Шонбаев және дене шынықтыру пәнінің мұғалімі Арнаут Талапұлы интернат оқушыларымен бірге "Қалалық мәдениет және демалыс саябағында" таңғы жүгіруге шықты. Оқушылар уақыттарын қызықты және пайдалы өткізді.
12.05 күні ҚР Премьер-Министрі Ә.А. Смайыловтың (2023 жылғы 27 сәуірдегі №15-11/Б-272 лп) тапсырмасына сәйкес мектебімізде оқу-жаттығу өткізілді. Оқу-жаттығу кезінде "ӨРТ" дабылы қосылып, пән мұғалімдері мен оқушылар жақын жердегі шығу есігінен шықты. Барлық қауіпсіздік ережелері сақталды
2023 жылдың 11-мамыр күні «Оқуға құштар мектеп» жобасы негізінде мұғалімдер мен оқушылардың қатысуымен «READx» форматында «Өзің оқып, өзгеге ұсын» атты кезекті шара жалғасын тапты.
2023 жылдың 12 мамырда мектебімізде “Елбасы медалі“ жобасының қола медаль иегерін марапаттау рәсімі өтті. 7 негізгі бағыттан тұратын “Елбасы медалі” жобасының сынынан сүрінбей өтіп Облыстық дарынды балаларға арналған мамандандырылған ақпараттық технологиялар мектеп-лицей-интернатоның 10 B - сынып оқушысы Залмұқан Айша Тілекқызы қола медалімен марапатталды. Алар асулары көп болсын!
"Ел мен ердің жеңісі" атты үшкүндік аясында, 9 мамыр Ұлы Жеңістің 78 жылдығына арналған «Батыс Қазақстан Сталинград майданының жақын тылы» тақырыбында кездесу кеші өтті. Шарамыздың қонағы қонағы ҚР Журналисттер одағының мүшесі, өлкетанушы, тарихшы, БҚО тарихи-өлкетану музейінің бөлімі М.Маметова мемориалдық музейінің меңгерушісі, Саяси қуғын-сүргін құрбандарын толық ақтау жөніндегі комиссияның мүшесі, 1939-1945 жылдары фашистік Германия, Финляндия және басқа да Еуропа елдерінде тұтқын болған батысқазақстандық әскери тұтқындарды анықтау, зерттеу тобының жетекшісі Батырханов Ахмедияр Қуанұлы. Өзекті сұрақтар қойылып, оқушылар көкейде жүрген сұрақтарына жауап алды.
Тіл білу – байлық. Әсіресе, өркениеттік өрелік алға шығып, жаһанданудың лебі есіп тұрғанда көп тілді игергенге ешкімнің таласы бола қоймайтыны анық. "Өзге тілдің бәрін біл, өз тіліңді құрметте» - деген даналық сөзді мақсат етіп, мектебімізде "Ағылшын тілі күні" жобасының ашылу салтанаты өтті.
«Ұлы Жеңістің жаңғырығы» атты облыстық онлайн марафонының «Жауынгерге хат» номинациясы бойынша, 7а сынып оқушысы Талап Жанерке - 1-орын иеленді. Оқушымызды және жетекшісі Манкишева Айымжан Мендіханқызын шын жүректен құттықтаймыз
Мектебімізде дәстүрлі түрде өтетін «Гүлденген мектеп» гүл отырғызу акциясы өтті. Акцияға 7-9 сынып оқушылары мен ата – аналары қатысты. Акцияның мақсаты: оқушылардың экологиялық мәдениетін қалыптастыру, табиғатқа деген қызығушылық пен сүйіспеншілікті қалыптастыру, мектептің эстетикаға сай безендірілуіне көмектесу, белсенді азаматтық ұстанымды қалыптастыру, ата-ана мен мектеп арасындағы байланысты нығайту. Оқушылар ата-аналарымен гүл отырғыза отырып, гүлдер туралы маңызды ақпараттар мен бөлісті.
6 мамыр лицейде салауатты өмір салтын насихаттау және ата-аналар арасындағы дәстүрлі III спартакиада оздырылды. Спартакиaдаға 7-10 сынып ата-аналарынан 4 команда қатысып, волейбол, үстел теннисі, шахмат, тоғызқұмалақ, дойбы, арқан тартыс секілді спорт түрлерінен бақ сынасты
Ақпараттық технологиялар мектеп-лицей интернаты
Қазақстан Республикасы, 090000
Орал қ., Сүндетқали Есқалиев к., 107
Телефон/факс: +7(112) 514243, +7(7112) 514243
Лицейдің сенім телефоны 8 (7112) 51 09 59
Ұлттық сенім телефоны 111
БҚО білім басқармасының сенім телефоны 8(7112) 26 04 63
it-lyceum.edu.kz