Халықаралық әйелдер күніне орай лицейімізде 7-9 сынып қыз балалары арасында волейболдан жарыс өтті. Оқушыларымыз спорттық бәсекеге белсене қатысып, жоғары нәтиже көрсетті!
«Оқуға құштар мектеп» жобасы аясында 7-8 сынып оқушыларына арналған «Кітап оқу бәйгесі» жарысы жалғасын табады.
2025 жылдың 26 ақпан күні лицейімізде Дін мәселелерін зерттеу орталығының оңалту жұмыстарын ұйымдастыру бөлімінің басшысы Бабаханов Абдуахид Абытханұлымен кездесу өтті.
«Дарынды балаларға - талантты ұстаз" Республикалық олимпиадасының облыстық кезеңінде біздің мектебіміздің жас педагогі, география пәнінің мұғалімі Бағдагүл Әбішқызы жүлделі ІІІ орынға ие болды! 🌟
Республикалық «Дарынды балаларға – талантты ұстаз» педагогикалық олимпиадасының облыстық кезеңінде мектебіміздің педагог-психологі, жас маман Салихат Гүлназар Бақтыгерейқызы жүлделі III орынға ие болды.
Ұстаздан оқушыға рухани сый.
Білім мен тәрбиенің жарқын үлгісін көрсететін "Шын жүректен кітап сыйла" челленджі мектебімізде өз жалғасын табуда. Бүгін ұстаз Айымжан Меңдіханқызы шәкірті Берікбай Ерасыл үшін арнайы Оралхан Бөкейдің «Кербұғы» кітабын сыйға тартты.
18-22 ақпан аралығында өткізілген жалпы білім беретін пәндер бойынша 8-11(12) сынып оқушыларына арналған республикалық ғылыми жобалар конкурсында лицей оқушылары үздік нәтиже көрсетті. Аталған конкурста “Физика” секциясы бойынша 11 сынып оқушысы Аманғали Ақылбек жүлделі ІІ орын, (Жетекшісі: Жасталап Әсел Талғатқызы), “Математика” секциясы бойынша 10 сынып оқушысы Зинекешова Ясминур “Алғыс хатпен” (жетекшісі: Акшиев Шыңғыс Бекжанович) марапатталды.
Қазіргі қоғамда ақпараттық технологиялар күнделікті өміріміздің ажырамас бөлігіне айналды. Цифрлық сауаттылық пен IT саласына қызығушылық – болашақтың басты талаптарының бірі. Осыған орай, оқушылардың технологиялық білімдерін арттыру, шығармашылық қабілеттерін дамыту және инновациялық ойлау жүйесін қалыптастыру мақсатында мектепте «IT ғаламшары: Бүгінгі идеялар – ертеңгі шындық» атты информатика және ақпараттық технологиялар апталығы ұйымдастырылды.
