30-31 қаңтар күндері №31 мектеп базасында өткен облыстық «Robotek Grand Tournament» роботтық техника жарысында мектебіміздің дарынды командалары тамаша нәтиже көрсетті.
30 қаңтар күні лицейіміздің оқушылары қаламыздағы “Арнаулы әлеуметтік қызмет көрсету орталығына” барып, “Өмірдің асыл қазынасы” атты концерттік бағдарламасын ұсынды. Бұл игі шара жастардың үлкендерге деген құрметін арттырып, мейірімділік пен жанашырлық секілді адами қасиеттерін дамытуға бағытталған.
Қазақстан Республикасы Оқу-ағарту министрлігінің «Дарын» республикалық ғылыми-практикалық орталығының ұйымдастыруымен 2-7 сынып оқушылары арасында “Зерде” Республикалық зерттеу жобалары конкурсында Химия секциясы бойынша 7-сынып оқушысы Исатаева Гульбахар жүлделі 2-орын иеленді!
Батыс Қазақстан облыстық дарынды балаларға арналған мамандандырылған ақпараттық технологиялар мектеп - лицей - интернатында 7-11 сынып оқушы қыздарына “Сән мен ұқыптылық: шаш жинаудың мәдениеті“ тақырыбында жиналыс өткізілді.
Қаңтар айында мектебімізде 7-11 сынып оқушылары үшін бокс үйірмесі ашылды. Үйірме оқушылардың спорттық қабілеттерін дамытуға, физикалық дайындықтарын жақсартуға және өзін-өзі қорғау дағдыларын үйренуге бағытталған. Жаттығу тәжірибелі жаттықтырушы Мулдашев Сағындық Еркінұлының жетекшілігімен өткізіледі. Үйірмеге қатысу оқушылардың денсаулығын нығайтып қана қоймай, олардың тәртіптілігі мен мақсатқа ұмтылушылық қасиеттерін дамытуға септігін тигізеді.
«Оқуға құштар мектеп» жобасы аясында 13-24 қаңтар аралығында мектеп ұжымы мен ата-аналар арасында "Кітап оқу бәйгесі" жарысы оздырылды. Бәйгенің мақсаты: оқырманның қоғамдық ортада және отбасында кітап оқу дәстүрі мен оқу дағдысын арттыру, оқылған шығарманы сараптауға негіз болу, оқырмандар ортасын қалыптастыру, әрі жандандыру.
"Бір күй, бір бауырсақ" айдары — мектеп оқушылары арасында ұйымдастырылған ерекше мәдени іс-шара. Оның мақсаты — ұлттық өнерді дәріптеу, балаларды домбыра күйін орындауға ынталандыру және күй тыңдау арқылы оқушылардың мәдениетке деген сүйіспеншілігін арттыру.
Бүгін Батыс Қазақстан облыстық дарынды балаларға арналған мамандандырылған ақпараттық технологиялар мектеп-лицей интернатында 7-8 сынып оқушыларына төтенше жағдайлар кезінде қауіпсіздік шараларын түсіндіру үшін аға инженер Башаев Дидар Гарифулаевич арнайы түсінік жұмыстарын жүргізді.
Ақпараттық технологиялар мектеп-лицей интернаты
Қазақстан Республикасы, 090000
Орал қ., Сүндетқали Есқалиев к., 107
Телефон/факс: +7(7112) 31 13 92, +7(7112) 31 13 92
Электронды пошта This email address is being protected from spambots. You need JavaScript enabled to view it.
Лицейдің сенім телефоны 8 (7112) 51 09 59
Ұлттық сенім телефоны 111
БҚО білім басқармасының сенім телефоны 8(7112) 26 04 63
it-lyceum.edu.kz