Жеңіс күні – бұл жеңісті ерліктің, еңселі елдіктің Рухы өрлеп, Жеңіс туы желбіреген күн. Елі мен жері үшін жанын пида еткен, туған-туысқандарына, жақын-жарандарына, туған жеріне оралмай қалған қаһарман ерлерді бүкіл ел болып еске алатын күн. Мектеп кітапханасы 9 Мамыр – Ұлы Жеңіс күніне арналған «Ұрпаққа ұран болған – Ұлы Жеңіс» тақырыбындағы кітап көрмесін ұйымдастырды.
Көрме мақсаты Ұлы Отан соғысына қатысушылардың есімдерін ұлықтау және өскелең ұрпақты патриоттық рухта тәрбиелеу, Отанға деген мақтаныш сезімін ояту, Қазақстанның қаһармандық ерліктерге толы тарихына құрметпен қарауға үйрету болды. Көрмеге кітапхана меңгерушісі Медресова Бағдагүл Әбішқызы библиографиялық шолу жасап, оқушыларға Ұлы Отан соғысына қатысқан қазақ жауынгерлері, олардың ерең ерліктері туралы баяндады. Кітап оқуға шақырды.
