Бүгін мектебімізде ерекше тарихи сәттердің бірі, оқырмандардың өмір жолында рухани азық болар немесе жас оқырманға шынайы ғалымның бет-бейнесін көрсетер танымдық шара оздырылды.

Іс-шарамыз «Отбасы хрестоматиясы» жобасының авторы, шығыстанушы, ағартушы Санжар Керімбайдың «Қаныш және ғылыми майдан» кітабының таныстырылымына арналды. Таныстырылым спикері - филолог, «Зерек» оқу-ағарту орталығының жетекшісі, «Отбасы хрестоматиясы» қоғамдық қорының БҚО бойынша өкілі Жұмабай Манарбек Сайынұлы кітапты оқуға үндеуде өзіндік ерекше шеберлікпен оқырмандардың кітапқа қызығушылығын арттыра түсті. Шара барысында лицей директоры Шонбаев Жеңіс Меңдіғалиұлы таныстырылым спикері М.Сайынұлына алғыс білдіріп, оқырмандарды аталмыш кітапты кеңінен оқуға шақырды.

Шара соңында кітапты оқуға асыға құлшыныс танытқан оқырмандар қатары көбейіп, кітапты алуға кезекке тұрды және мектебіміздің дәстүрлі жобасы «Кітап оқу бәйгесіне» қатысуға ерекше құлшыныс танытты.