Бүгін лицейімізде көктемнің ең жарқын әрі жүрекке жылу сыйлайтын мерекесі – 8 Наурыз Халықаралық әйелдер күніне орай “Шуағың әлемді жылытады” атты ерекше шара өтті. Бұл мерекелік кештің басты мақсаты – аналарымызға, ұстаздарымызға және барша қыздар қауымына құрмет көрсету, олардың мейірімі мен махаббатына алғыс айту болды.
Оқушылар өздерінің өнерлерін ортаға салып, көрермендерге тамаша көңіл-күй сыйлады. Әсем әндер шырқалып, жүрекжарды өлеңдер оқылды, әсерлі көріністер қойылып, мың бұралған бишілер өз өнерлерін көрсетті.
Мерекелік шара ұжымның ер азаматтары ұйымдастырған әсерлі концертпен жалғасын тапты. Ер-азаматтар аяулы арулар мен ардақты аналарға деген құрметін әнмен, жырмен жеткізіп, жүрекжарды құттықтауларын арнады. Көңілді қойылымдар мен жанды дауыста орындалған әсем әндер мерекелік кештің сәнін кіргізіп, барша көрерменге көтеріңкі көңіл-күй сыйлады.
Көктемнің шуағындай жылы лебіздер айтылып, гүлдей құлпырған мерекелік кеш жиналған нәзік жандыларға ұмытылмас әсер қалдырды. Бұл күн – аналарымыз бен апайларымызға алғыс білдіретін, олардың мейірімі мен махаббатын ұлықтайтын ерекше күн.
