Қазіргі ақпараттық дәуірде IT саласы тек білім көзі ғана емес, шығармашылық ойлаудың, логикалық шешім қабылдаудың маңызды құралына айналды. Осыған орай, «IT ғаламшары: Бүгінгі идеялар – ертеңгі шындық» атты информатика және ақпараттық технологиялар апталығы аясында «IT. IQ» интеллектуалдық ойыны ұйымдастырылды. Бұл сайыс 10-11 сынып оқушыларының ақпараттық технологиялар бойынша білімін сынап, логикалық ойлау қабілетін дамытуды мақсат етті.

Ойында 3 команда бақ сынасты. Сайыс 3 кезеңнен тұрды:
📌 1-кезең: «Жасырын сөз» – информатика мен IT саласына қатысты жасырын терминдерді табу.
📌 2-кезең: «Танымал тұлғалар» – әйгілі IT мамандары мен технологиялық саласы бойынша танымал тұлғаларды табу.
📌 3-кезең: «Сөз кезек» – командаларға арнайы терминдер беріліп, олар осы сөздерді түсіндіріп, дұрыс жауап табуға тырысты.
Жеңімпаз команда анықталды! 🏆
Тартысты ойын нәтижесінде 10-сынып оқушыларынан құралған «Матрица» командасы суырылып алға шығып, 1-орынды иеленді!

Жеңімпаз команда құрамы:
• Раш Дарын
• Батай Алихан
• Утежанов Айбат

Барлық қатысушылар белсенділік танытып, өздерінің IT саласындағы білімдерін, логикалық ойлау қабілеттерін және командалық жұмыс дағдыларын көрсетті. Бұл интеллектуалдық ойын оқушылардың жаңа білім алуына, шығармашылық ізденістерін арттыруға және IT әлеміне деген қызығушылығын одан әрі дамытуға ықпал етті.
🔹 Қатысушыларымызды құттықтаймыз!