Мектебімізде жас педагог қызметкерлерге арналған "Дарынды балаларға - талантты ұстаз" Республикалық олимпиадасының мектепішілік кезеңі өткізілді. Бұл шараның негізгі мақсаты – жас педагогтердің шығармашылық әлеуетін дамыту және өзін-өзі жетілдіруге жағдай жасау, сондай-ақ білім беру жүйесін жетілдіруге жас мұғалімдердің белсенді, кәсіби көзқарасын қалыптастыру.

Олимпиадаға мектебімізден 5 жылдан аспайтын еңбек өтілі бар жас психолог, тәлімгер және педагогтер қатысты. Олимпиада шартына сәйкес қатысушылар TED стилінде сөйлеп, тыңдаушыларға жаңа идеяларын ұсынып, ой тастады. Әділ қазылар алқасы педагогикалық шеберлік, шығармашылық және білім беру процесін ұйымдастырудағы жеке ұстанымдары мен ерекшеліктерін ескере отырып, жас педагог, география пәні мұғалімі Медресова Багдагул Абишовнаны, жас тәлімгер Елюбаева Макка Ержанқызын және жас педагог-психолог Салихат Гүлназар Бақтыгерейқызын олимпиаданың облыстық кезеңіне жолдады.

Жеңімпаздарға алдағы облыстық кезеңде сәттілік тілейміз!💐🎉