17- қаңтарда математика- физика апталығының аясында математика мұғалімдері Анаргүл Сағындыққызы мен Ақмарал Ниязқызының ұйымдастыруымен 9-11 сыныптар арасында «Не? Қайда? Қашан?»интеллектуальды ойыны оздырылды.

Бұл шараның мақсаты - оқушылардың білімін кеңейту, танымдық қызығушылығын, интеллектін дамыту, білімін үздіксіз жетілдіруге ұмтылысын тәрбиелеу; достық, жолдастық қарым-қатынастарды қалыптастыру, командада жұмыс істей білу қабілетін дамыту; математикалық білімнің басқа ғылымдардағы маңыздылығын көрсету.

Ойын барысында 9-11 сыныптардан 6 оқушыдан шығып, үш топ болып жарысты. Білгірлер сұрақтарды топта талқылап, содан кейін араларынан бір білгір жауап беріп, өз білімдерін сынады. Нәтижесінде оқушылардың пәнге қызығушылығы одан әрі оянып, креативті ойлау дағдылары артты және командада жұмыс істей білу қабілеттері дамыды.

Шара жоғары дәрежеде өтіп, жеңімпаздар анықталды. 1- орынды 9 сыныптардан құралған «Массив» командасы алса, «Ең үздік капитан» номинациясын 9б сынып оқушысы Батырханова Айя иеленді.

Ойын қызықты болып, көрермендер мен қатысушылар үлкен әсермен тарады.