26 желтоқсан күні лицейімізде жарқын көңіл-күй мен қуаныш сыйлаған “Жаңа жыл, жаңа белес, жаңаша нұр” атты жаңа жылдық шара ұйымдастырылды. Бұл ерекше кеш жаңа жылдық мерекенің сәнін келтіріп, оқушылардың ынтымақ пен шығармашылыққа деген ынтасын арттыруға бағытталды.

Шара барысында лицейіміздің интернат бөлмелерін таза әрі ұқыпты ұстау және мерекелік безендіруге ерекше көңіл бөлу мақсатында өткізілген байқаудың жеңімпаздары анықталды. Байқау қорытындысы бойынша, қамқоршылық кеңес ұйымының төрағасы Унаева Айман Сәрсенбайқызы оқушыларды құттықтап, жеңімпаздарды арнайы сыйлықтармен марапаттады.
• “Ең таза бөлме” номинациясын жеңіп алған 19-бөлме оқушыларына мұз айдынында 2 сағаттық абонемент табысталды.
• “Ең ұйымшыл бөлме” номинациясына ие болған 6-бөлме оқушылары боулинг ойынына 2 сағаттық сертификатпен марапатталды.
• “Ең әдемі безендірілген бөлме” номинациясын иеленген 14-бөлме оқушыларына кинотеатрға билеттер сыйға тартылды. Бұл кеш оқушылардың ұйымшылдығын, тәртіпке деген жауапкершілігін арттырып қана қоймай, мерекелік көңіл-күй мен шабыт сыйлаған ерекше сәттерге толы болды. Жаңа жылдық шара лицейдің тәрбиелік құндылықтарын одан әрі нығайтып, оқушыларды жаңа белестерді бағындыруға жігерлендірді.