Мектеп-лицейдің жұмыс жоспарына сәйкес, 2024 жылдың 9-13 желтоқсан күндеріне жоспарланған "Тіл мен тарих - ғасырлар куәсі" тақырыбындағы қазақ тілі мен әдебиеті және тарих пәндерінің апталығы бастау алды.
Апталықтың мақсаты: оқушылардың аталған пәндерге деген қызығушылықтарын арттырып, білімдерін кеңейту, тарихқа, тілге құрметті дарыту.
Бүгін, 9 желтоқсан апталықтың ашылуы күмбірлеген күймен басталып, мектеп мұғалімдері мен оқушыларына арналған танымдық ойындармен жалғасын тапты. Ұйымдастырушылар оқушыларды белсенділік танытып, іс-шараларға қатысуға шақырды.
Сондай-ақ, "Жас ұлан" ұйымымен бірлесіп, оқушылардың қоңырау уақытын тиімді өткізу мақсатында "Ақылды үзіліс" шарасы ұйымдастырылды. Оқушылар қойылған сұрақтарға мақал-мәтелдермен жауап берді. Белсенділік танытқан оқушыларға тәтті сый-сияпаттар таратылды.
Апталық аясында ұлы тұлғаларымызды дәріптеу, ұлт зиялыларын ұлықтау мақсатында “Ұлы даланың дара перзенті" атты Қаныш Имантайұлы Сәтбаевқа арналған оқушылардың ғылыми конференциясы оздырылды. Конференцияға филология ғылымдарының докторы, профессор Қ.Ғ.Аронов және “Зерек” оқу орталығының жетекшісі М.С.Жұмабаев, мектеп мұғалімдері және 10-11-сынып оқушылары қатысты. 10 сынып оқушылары баяндама жасап, талқыға ұсынды. Ғалым-ұстаз Құспан Ғұмарұлының тақырып төңірегінде қойған сұрақтарына оқушылар өз білімдерін көрсетіп жауап берді.
