29.11.2024ж. күні «Болашаққа сенімді қадам» тақырыбында Аstana AITU жоғары оқу орнында білім алып жатырған студенттермен кездесу өтті.

Мақсаты: Оқушыларға мектептен кейінгі білімнің және өмірлік жоспар құрудың маңыздылығын түсіндіре отырып, студенттердің жетістіктері арқылы оқушыларды шабыттандыру. Әртүрлі салалардағы мүмкіндіктер туралы ақпарат беру. Мектептен кейінгі жоспар құруға және мансап жолын таңдауға көмектесу. Оқушыларға өмірлік дағдыларды үйренудің маңыздылығын көрсету. Өзін-өзі дамытуға шақыра отырып , әр мамандық иесіне тән қасиеттер мен ерекшеліктер жөнінде мәлімет беру.

Кездесу барысында студенттер оқушыларға өз болашақ жоспарларын құруда көмектесіп, мансап жолын таңдауда өмірлік дағдылардың маңыздылығын атап өтті. Оқушылар студенттерге өздерін қызықтырған сұрақтарын қойып, жауап алды. Студенттер өз кезегінде мектепке және ұстаздарға алғыстарын айтып, мектепті тәмамдағалы отырған түлектерге сәттілік тіледі.