2024 жылдың 28-қараша күні «Оқуға құштар мектеп» жобасы аясында оқырмандарымыздың қызықты, әрі сүйікті жобасы «ReadX» форматында «Өзің оқып, өзгеге ұсын» атты кезекті шара оздырылды. Аталмыш шара мақсаты, мектебімізге жаңадан келген 7-сынып оқушыларына кітапханада ұйымдастырылатын іс-шаралардың бағыт-бағдарын көрсетіп, кітап оқуға бағыттау. Осы мақсат негізінде, 8-9 сынып оқушылары оқыған кітаптарын ортаға салып, ой бөлісті.

Шара спикерлері 8-сынып оқушысы Сырымқызы Айару – Луиза Мэй Олкоттың «Маленькие женщины» туындысын,  9-сынып оқушылары  - Кушкенбаев Алдияр - Санжар Керімбайдың «Қуыскеуде», Гиниятов Мансұр – Қасым Қайсеновтың «Жау тылындағы бала» туындысын, Батырханова Айя -  Роберт Кийосакидің «Бай әке, кедей әке» кітабын баяндап берді. Кітапты оқып, оқуға ұсыныс жасаған спикерлер әр кітапты қызықты, әдеби көркем тілде жеткізе білді. Оларды тыңдаушы 7-сынып оқушылары да белсенділік танытып, спикерлерге сұрақтар қойып, шығарма кейіпкерлері мен шығарма желісі туралы да өз ойларын білдірді. Сонымен қатар, өздерін қызықтырып, жақсы әсер қалдырған әдебиеттерді оқуға алды.