Бүгін, "Тәуелсіздік күні" ұлттық мерекесі құрметіне орай 7-8 және 9-11-сынып оқушылары арасында баскетболдан жарыс бастау алды.
Жарыстың мақсаттары мен міндеттері:
- Баскетбол ойынын кеңінен тарату;
- Оқушылар арасында салауатты өмір салтын насихаттау;
- Оқушылардың спорттық шеберлік деңгейін арттыру;
- Мектеп құрамасына мықты ойыншыларды анықтау.
Жарыстың ашылу салтанатында лицей директоры Шонбаев Жеңіс Меңдіғалиұлы жарысқа қатысушыларды айтулы мерекемен құттықтап, сәттілік тіледі.
7-8-сынып қатысқан жарыс қорытындысында өздерінің шебер ойындарымен жүлделі ІІІ орынды 7б-сыныбы, ІІ орынды 8б-сыныбы, І орынды 8а-сыныбы өзара бөлісті.
