Мектебімізде осы айдың 11-15 аралығында «Чудесный мир языков-Magic world of languages» тақырыбында орыс және ағылшын тілдері апталығы өтті. Апталықтың ашылу салтанатында мұғалімдер мен оқушылар орыс және ағылшын ұлттық дастархан мәзірінен дәм татып, интеллектуалды және қызықты ойындар ойнады.
11.11.2024 күні орыс тілі пәні мұғалімі Имангалиева А.К «В мире детских песен» атты ақылды үзіліс ұйымдастырып, 8-сынып оқушылары танымал әндерді орындады. «В мире слов» лингвистикалық турнирде 9 сынып оқушылары қатысты. Шара барысында оқушылар “Разминка”, “Пословицы и поговорки”, “Подбор синонимов” сынды бөлімдерден жарысып, орыс тілінде білімдерінің жоғары екендігін көрсетті. Жарыс нәтижесінде 9 а сыныбы тапқырлығымен жеңімпаз атанды.
12.11.2024 күні үзілісте ағылшын тілі пәні мұғалімі Дюсенгалиева Г.А «Pictures to make up stories» тақырыбында шара ұйымдастырды. Қатысушы 7-8 сынып оқушылары берілген суреттерден ағылшын тілінде әңгіме құрастырып, ағылшынша сөйлеу деңгейлерінің жоғары екендігін көрсетті. Бұл шара түстен кейін «English movie race» атты сайыспен жалғасты. Аталған шараға 9б, 10с, 11с оқушылары кино әлеміне саяхат жасап, өздеріның ағылшын тілінде түсірген фильмдерін таныстырды. Кино кейіпкері Джим Керри келіп, әртүрлі фокустар көрсетіп оқушыларды қуантып тастады. Нәтижесінде оқушылардың ағылшын тілінде еркін сөйлеп, креативті ойлау дағдысы қалыптасқандығын көрсетті.
13.11.2024 күні орыс тілінде «А знаете ли Вы?» әдеби ақылды үзіліс 7-8 сынып оқушылары үшін сәтті өтті. Ұйымдастырушысы орыс тілі пәні мұғалімі Кушкарбаева Г.О түстен кейін "Хранители книг" (9б) және "Читатели будущего" (10с) топтарының арасында "Читать – это модно!" әдеби баттл өткізді. Қатысушылар өздерінің актерлік, шығармашыл қабілеттерін көрсетіп, орыс тіліндегі әдеби шығармаларды жетік меңгергендігімен көрермендерді тәнті етті.
14.11.2024 күні ағылшын тілі пәні мұғалімі Ихсанова Б.Ж «Funny English» атты интеллектуалды танымдық шара ұйымдастырды. Оған мектебіміздің барлық оқушылары қатысты. Шара қызықты өтіп оқушыларымызға жақсы көңіл күй сыйлады. Сағ 12.00де «A motivational get - together with students» американдық мұғалім Mr.Joshuaмен кездесу өтті. Мистер Joshua Американың колледждері туралы ақпарат беріп, оқушылардың қосымша сұрақтарына жауап берді. Оқушылар да американдық мұғаліммен ағылшынша сөйлесіп, сөйлеу деңгейлерін дамытты.
15.11.2024 күні аталған апталыққа мұғалімдер де белсене қатысты. «Өзге тілдің бәрін біл!» тақырыбында ұйымдастырылған шарада мұғалімдер орыс тілінде синонимдерді тапса, ағылшын тілінде өткен тренинг көңілді әрі сәтті өтті. Жыл сайынғы дәстүрді жалғастыра отырып, ағылшын тілі пәні мұғалімі Сагинова Г.Ж кезекті ертегі ұйымдастырды. “Alice in Wonderland” қойылымына 8-9 сынып оқушылары қатысып, көрермендерді өздерінің актерлық шеберліктерімен таңқалдырды. Апталықтың жабылу салтанатында директордың бағдарлы істері жөніндегі орынбасары Гиниятова А.М сөз сөйлеп, жас актерлерімізге сәттілік тіледі.
