Ағымдағы жылы мектебімізде ағымдық жөндеу жұмыстары жүргізіліп, мектебіміздің іші де, сырты да жаңарып қалды. Ғимараттың жаңаруы оқушыларға білім алу мен мектептегі уақыттарын жақсы өткізуге үлкен септігін тигізуде.

Сонымен бірге, мектеп ата-аналары, «Бестау» жауапкершілігі шектеулі серіктестігінің басшысы Дусенбаев Ринат Исмагулович пен «Авто шебер» жеке кәсіпкерлігі жетекшісі Шканов Ерболат Елемесұлы мектептің спорт залының эстетикалық, санитариялық және қауіпсіздік талаптарына сай безендірілуі үшін демеушілік көрсетіп, қажетті материалдармен қамтамасыз етті.

Демеушілерге мектеп әкімшілігі атынан шынайы алғысымызды білдіргіміз келеді. Білім беру саласына қосқан үлестеріңіз, жас ұрпақтың жарқын болашағы үшін жасаған демеушіліктеріңіз ерекше маңызға ие. Сіздердің қолдауыңыз арқылы оқушыларға жаңа мүмкіндіктер ашылып, олардың сапалы білім алуына, сабақтан тыс уақыттарын пайдалы әрі көңілді өткізулеріне жағдай жасалуда.

Сіздердің көмегіңіз тек материалдық көмек қана емес, сонымен қатар балалардың болашағына сенім мен жігер сыйлайтын үлкен үлес. Бұл игі істеріңіз біз үшін де, балалар үшін де зор шабыт көзі болмақ.

Келешекте де еңбектеріңіз табысты болып, барлық бастамаларыңыз жемісті болсын деп тілейміз. Сіздерге зор денсаулық, отбасыларңызға амандық және кәсіптеріңізге сәттілік тілейміз!

Құрметпен, мектеп әкімшілігі