Жаратылыстану пәндері апталығы аясында мектеп ұстаздары арасында “НЕ? ҚАЙДА? ҚАШАН?” ойыны форматында танымдық-зияткерлік шара ұйымдастырылды. Бұл ойын мұғалімдердің білімін, тапқырлығын және ұжымдық жұмысын сынайтын қызықты форматта өтті.

Сайыс барысында ұстаздар бірнеше командаға бөлініп, әртүрлі бағыттағы сұрақтарға жауап берді. Сұрақтар химия, биология, география және күнделікті өмір тақырыптарын қамтыды. Ойын барысында қатысушылар жылдам ойлау, нақты жауап беру және ұжыммен келісімде жұмыс істеу дағдыларын көрсетті.

Шараның мақсаты – ұстаздар арасында ынтымақтастықты нығайту, ой-өріс пен білім аясын кеңейту. Кеш өте қызықты әрі әсерлі өтті, қатысқан топтарға алғыс хаттар табысталды.