9-10 сыныптар арасында жаратылыстану пәндерінің апталығы аясында мектепте ерекше форматтағы танымдық шара ұйымдастырылды. Биылғы апталық "Кариб теңізінің қарақшылары" тақырыбында квест түрінде өтіп, оқушыларды логикалық тапсырмалар мен қызықты практикалық кезеңдерге толы саяхатқа жетеледі.

Квест бірнеше кезеңнен тұрды, әр кезеңде оқушылар биология, химия, география пәндері бойынша білімдерін сынап, түрлі жұмбақтарды шешіп, жасырын "қазынаны" табуға тырысты. Шараның мақсаты жаратылыстану пәндеріне деген қызығушылықты арттырып, оқушылардың білімдерін тәжірибемен ұштастыру болды.

Командалық жұмыс, логика, жылдамдық пен шығармашылықты талап еткен бұл шара оқушылар арасында үлкен қызығушылық тудырды.