«Сүйікті кітапқа арналған үздік иллюстрация» байқауы өтеді! 

«Балалар кітапханасы» бағдарламасы аясында күзгі демалыс кезінде «Сүйікті кітапқа арналған үздік иллюстрация» байқауы өтеді! 

Байқаудың мақсаты – оқушылардың кітап оқуға деген қызығушылығын арттыру, шығармашылық қабілеттерін дамыту және сүйікті кейіпкерлерін бейнелеу арқылы қиялын ұштау.

Қатысу шарттары:

—  Байқауға тек 7-сынып оқушылары қатыса алады;

— Қатысушы өзіне ұнаған кітап бойынша иллюстрация (сурет) салады;

— Сурет ақ қағазға түрлі бояу, акварель, гуашь немесе графикалық тәсілдермен орындалуы мүмкін;

— Жұмыстың астына қатысушының аты-жөні, сыныбы жазылады.

Жұмыстарды қабылдау мерзімі:

— Күзгі демалыс уақыты бойы (3-қарашаға дейін)

Нәтижесі:

Үздік деп танылған жұмыстар кітапханада көрмеге қойылып, жеңімпаздар марапатталады! 

Барлық жас суретшілерді шығармашылық байқауға белсене қатысуға шақырамыз!