2022-2023 оқу жылының аяқталуына орай мектебімізде мектеп педагогтеріне арналған “Педагогикалық триумф - 2023” шарасы оздырылды.

Мақсаты – оқу жылында жетістікке жеткен ұстаздарымыздың еңбегіне құрмет көрсетіп, үздіктерді марапаттау.

Аталымдар бойынша қарастырылған критерийлерге сәйкес мұғалімдердің жалпы ұпайлары есептеліп,  жеті аталым бойынша марапатталды. 

1. ҮЗДІК ПӘН МҰҒАЛІМІ аталымымен  Республикалық және облыстық пән олимпиадалардың, шығармашылық байқаулардың жүлдегерлерін дайындап,  әдістемелік шараларға белсене қатысып, шығармашылығымен көзге түскен Мусагалиева Ряйля Куанышевна марапатталды.

2. ҮЗДІК ЖЕТЕКШІ аталымымен дарынды балалармен жұмысты іске асыруда оқушылардың оқу-танымдық қызметін ынталандырып, пән олимпиадалары мен ғылыми жобалар байқауларына оқушылардың сапалы дайындығын ұйымдастырғаны үшін  Жексенов Азат Бисембаевич марапатталды.

3. ҮЗДІК БЕЙНЕРОЛИК - жыл қорытындысы бойынша ұйымдастырылған «Менің шығармашылық жетістігім» тақырыбындағы бейнероликтер байқауында өзіндік педагогикалық идеясы мен шығармашылығын үздік таныстырғаны үшін Танатова Гуляйша Кенесовна марапатталды.

4. ҮЗДІК ЖОСПАРЛАУ аталымы бойынша оқу жылындағы толтыруға міндетті іс-құжаттарды мерзімімен орындап,  сабақ жоспарлары мен күнделік журналын жүргізудегі жауапкершілігі үшін Кушкарбаева Гульмира Ошакбаевна марапатталды.

5. ҮЗДІК СЫНЫП ЖЕТЕКШІ аталымымен сыныптағы тәрбие жұмысын ұйымдастырып, әрбір білім алушының оқу үлгерімі мен тәртібіне қамқорлық көрсетіп, адамгершілік құндылықтарды, әдеп-этикалық міндеттерді қалыптастырғаны үшін Танатова Гуляйша Кенесовна марапатталады. 

6. ҮЗДІК ЖАС МАМАН аталымы бойынша жас ұстаздар арасында өзінің білімі мен кәсіби шеберлігін көрсетіп, жүктелген міндеттерді сапалы орындап, іскерлігі және шығармашылығымен мектептің қоғамдық шараларына белсенді қатысқаны үшін Қоныспай Райхан Қуанышқызы марапатталды.

7. ҮЗДІК ҰЖЫМДЫҚ ЖҰМЫС аталымымен мектепішілік шараларды белсенді ұйымдастырып, әдістемелік пән апталығында шығармашылық белсенділіктерін көрсеткені үшін информатика пәні мұғалімдері үшін марапатталды.

8. «Ең үздік мұғалім – 2023» аталымына ие болған  2022-2023 оқу жылындағы педагогикалық шеберлігі, шығармашылық ізденісі және білім алушыларды оқыту мен тәрбиелеудегі табыстары үшін Мусагалиева Раля Куанышевна марапатталды.

ForteBank және мектептің қамқоршылық кеңесінің демеушілігімен марапатталған ұстаздарымызға бағалы сыйлықтар табысталды.