3 наурыз күні «Тәрбиемен берілген білім –өлшеуі жоқ қазына» атты интернат тәрбиешілерінің апталығының ашылуы болды. Апталықтың бірінші күні оқушыларға үзіліс кезінде «Ойлан тап» ойыны ойнатылды.   Ойын барысында оқушыларға интербелсенді тақта арқылы қазақ халқының салт-дәстүрлері, әдет-ғұрыптары туралы сұрақтар қойылды. Қойылған сұрақтарға  оқушылар тез әрі дұрыс жауап беріп белсенділікпен қатынасты. Осы күні интернат тәрбиеленушілеріне «Әже-қазақи тәрбиенің бастау бұлағы» атты әжелермен кездесу кеші өтті. Шара барысында әжелеріміз тәрбиеленушілерге ұлттық тәрбие, отбасындағы бала тәрбиесі туралы әңгімелерін айтып, ұлтық қолөнер бұйымдарымен таныстырды. Әжелер өздерінің алып  келген  қолөнер бұйымдарының  (тоқыма, кесте, ою-өрнек, құрақ құрау) жасалу жолдарын  түсіндіріп берді.

Кеш соңында оқушыларға әжелер ақыл кеңестерін айтып, баталарын берді.