Қазіргі қоғамда ақпараттық технологиялар күнделікті өміріміздің ажырамас бөлігіне айналды. Цифрлық сауаттылық пен IT саласына қызығушылық – болашақтың басты талаптарының бірі. Осыған орай, оқушылардың технологиялық білімдерін арттыру, шығармашылық қабілеттерін дамыту және инновациялық ойлау жүйесін қалыптастыру мақсатында мектепте «IT ғаламшары: Бүгінгі идеялар – ертеңгі шындық» атты информатика және ақпараттық технологиялар апталығы ұйымдастырылды.

Апталық барысында олимпиадалар, интеллектуалдық сайыстар, викториналар және ақылды үзілістер өткізілді. Оқушылар IT саласындағы білімдерін шыңдап, түрлі қызықты әрі пайдалы іс-шараларға белсене қатысты.
Апталықтың қорытынды шарасында үздік нәтиже көрсеткен оқушылар арнайы марапаттарға ие болды. Олар информатика мен цифрлық технологиялар бойынша өз білімдерін дәлелдеп, жоғары жетістіктерге қол жеткізді.
🔹 Жеңімпаз оқушыларға дипломдар мен арнайы сыйлықтар табысталды.

Сондай-ақ, барлық қатысушылардың белсенділігі бағаланып, олардың IT саласына деген қызығушылығы ерекше атап өтілді.
Қорытынды шараның соңында мектеп директоры Ж.М. Шонбаев оқушыларды жетістіктерімен құттықтап, өз жылы лебізін білдірді. Ол IT саласының болашағы мен маңыздылығын атап өтіп, оқушылардың осы бағыттағы білімдерін дамытуға шақырды.
Бұл апталық оқушылар үшін жаңа білім мен тәжірибе жинақтауға үлкен мүмкіндік берді. Информатика мен ақпараттық технологияларды меңгеру – болашаққа ашылар есік.
💡 «Бүгінгі идея – ертеңгі шындық!» ұранымен біз IT әлеміндегі жаңа жетістіктерге бірге қадам басамыз!