Қазіргі заман – цифрлық технологиялардың қарқынды дамып, білім мен жаңашылдықтың басты орынға шыққан дәуірі. Осы орайда, мектеп оқушыларының ақпараттық сауаттылығын арттыру, логикалық ойлау қабілеттерін жетілдіру және сандық технологияларды меңгеруге ынталандыру мақсатында апта бойы «Информатикалық “Сандық ойын”: Білімділерге ғана жол ашық!» атты ерекше ойынының ұйымдастырылғаны белгілі. Бұл тартысты жарыстың соңғы кезеңіне тек үздіктер ғана өтті.

Олардың әрқайсысы IT саласындағы білімдерін, логикалық ойлау қабілеттерін және шапшаң шешім қабылдау дағдыларын сынға салды. 5-кезеңнің тапсырмалары ең күрделі болды, қатысушылар осы сынақтан сүрінбей өтіп, өздерінің білім деңгейін дәлелдеді.
Жеңімпаз анықталды! 🏆
Жоғары нәтиже көрсетіп, «Информатикалық “Сандық ойын”: Білімділерге ғана жол ашық!» ақылды үзілісінің жеңімпазы атанған оқушы –🥇 Нәби Айгүл
Финалға шыққан оқушылар да ерекше дайындығымен және жоғары деңгейдегі білімдерімен көзге түсті.
Олар:
🥈 Қамен Дильназ
🥉 Кабиева Аружан
🏅 Ерболат Аят
🏅 Сырым Мағжан
Қатысушыларға алғысымызды білдіреміз!
Барлық ширек финалға шыққан және финалға дейін жеткен оқушыларға алғысымызды білдіреміз! Сіздер сандық технологиялар мен информатика саласында үлкен қадам жасадыңыздар. Бұл сайыс сіздердің білімдеріңізді шыңдап, жаңа белестерді бағындыруға жол ашары сөзсіз.
Бұл жеңіс – сіздердің талпыныстарыңыздың, еңбектеріңіздің және үздіксіз ізденістеріңіздің жемісі! Біз сіздерден болашақта үлкен жетістіктер күтеміз және IT әлемінде жаңа табыстарға жетулеріңізге тілектеспіз.