2024 жылдың 20 желтоқсаны  күні лицейімізде "Бала шақтан болашаққа" атты Назарбаев университетінің студенттері мен 9-11-оқушылары арасында кездесу өтті. Бұл іс-шараның мақсаты – мектеп оқушыларына жоғары білім алу және студенттік өмір туралы мағлұмат беру, оларды болашақта білім алу жолында ынталандыру.

Кездесуге Назарбаев университетінде оқитын мектеп түлектеріміз қатысты. Кездесу барысында студенттер өздерінің университетке қалай түскендері, дайындықтары туралы тәжірибелерімен бөлісіп, өздерінің оқу бағдарламалары, университеттің мүмкіндіктері туралы әңгімеледі.

Іс-шара соңында мектеп оқушылары қызықтырған сұрақтарын қойып, студенттердің кеңестері мен ұсыныстарын тыңдады.

Мұндай кездесулер оқушылардың болашақ мамандықтарын таңдауға үлкен үлес қосады.