2024 жылдың 11 желтоқсан күні 7ә-сыныбында қазақ тілінен “Домбыра - қазақтың рухы. Тұйық етістіктің түрленуі” тақырыбында ашық сабақ өтті. Қазақтың ұлттық қазынасы, құнды мұрасы саналған домбыра туралы тың ақпараттар берілді. Тұйық етістіктің түрленуіне тапсырмалар орындалды.  Қазақ тілі мен әдебиеті пәнінің мұғалімі Р.К.Мусагалиева жаңа сабақты меңгертуде заманауи платформалар арқылы оқушылардың қызығушылығын оятты, ал оқушылар сабаққа белсенділікпен қатысты.

Апталық аясында 7-сынып оқушылары арасында "Өлеңге әркімнің-ақ бар таласы" тақырыбында жыр мүшәйрасы өтті. Мақсаты - оқушылардың ақындық қабілеттерін дамыту. Қатысушылар алдымен ұйқасқа өлең шығарса, екінші бөлімде берілген тақырыптардың бірін таңдап, жырдан маржан түзді, өлеңдерін оқыды.  Өз кезегінде қазылар өлеңдерінің тақырыбы мен көркемдігі, ұйқасы мен ойы талапқа сай келген Исатаева Гүлбахар, Кенесова Томирис, Берікбай Ерасылдың жырларын үздік деп таныды.