Күні кеше аймақ айнасы “AQJAIYQ” телеарнасы мен Облыстық білім басқармасының бірлескен жобасы “Bilim high”, яғни Білім шыңы зияткерлер додасы өткен болатын. “Білекті бірді жығады, білімді мыңды жығады” дегендей, өңір мектептеріндегі жоғары сынып арасында өтіп жатқан білім бәйгесінде лицейіміздің шәкірттерінен құралған “Дария” тобы өз білімдерін ортаға салып, жүлделі 3 орынды жеңіп алды.

Әр оқушыға 50 мың ақшалай сертификаттар мен алғыс хат табысталды. Мектебіміздің 11 сынып оқушылары Құспан Гүлбақыт, Муратова Жанар, Жасқайрат Аяулым, Аманбай Ақсезімді және жетекшісі А.Б.Сагидуллинаны шын жүректен құттықтаймыз. Алар асуларыңыз асқақ, шығар белестеріңіз биік болсын!