Мектеп ұжымының шешімімен 2023-2024 оқу жылында үйірме жұмыстарын «Жобалық іс-әрекеттер» түрінде ұйымдастыру енгізілген болатын. Жобалау технологиясын қолданудағы негізгі мақсат – оқушылардың қызығушылық ынтасын дамыту, өз бетімен жұмыстарын жүргізу арқылы білімдерін жетілдіру, ақпараттық бағдарлау біліктілігін қалыптастыру жəне сыни тұрғыдан ойлау қабілетін арттыру арқылы оқушыны болашақта əр түрлі жағдаяттарда, əр түрлі қоғамдық ортада өзін өзі көрсете білуге бейімдеу болатын.
Білім беруді дамыту орталығының ұйымдастыруымен ағымдағы жылдың 14 мамыр күні шығармашылықпен жұмыс істейтін мұғалімдерді анықтау және қолдау, ғылыми-педагогикалық қызметтерін ынталандыру мақсатында химия пәні мұғалімдері арасында «СHEMICAL REGATTA - 2024» байқауында облыстық мектептер құрамында болған химия пәні мұғалімі Қоныспай Райхан Қуанышқызы жүлделі І орын иеленді.
ҚҰТТЫҚТАЙМЫЗ!
Жалпы білім беретін пәндер бойынша 7-8 сынып оқушыларының республикалық олимпиадасының облыстық кезеңіне мектебімізден 19 оқушы қатысып, 5 оқушы «Алғыс хатқа», 8 оқушы жүлделі орындарға ие болды.
Мектепішілік жоспарға сәйкес 29.04-03.05 күндері аралығында “Киберқауіпсіздік: Адам vs Машина” тақырыбында информатика және ақпараттық технологиялар апталығы оздырылды. Апталық барысында әр күн сайын үлкен үзілістерде оқушылардың информатика және ақпараттық технологиялар саласына оқушылардың қызығушылықтары мен танымдық-интеллектуалдық қабілеттерін дамыту мақсатында “Ақылды үзілістер” ұйымдастырылды.
Физика пәні мұғалімдері арасындағы Х облыстық шығармашылық байқауында лицейіміздің ұстазы Жасталап Әсел Талғатқызы жүлделі 1-орын иеленді. Сондай-ақ математика пәні мұғалімдері арасында Жубанчалиева Сәуле Ахметжановна жүлделі 2-орын, информатика пәні мұғалімдері арасында Кожахметова Ляззат Асылбековна жүлделі 3-орын иегері атанды. Ұстаздарымызды жетістіктерімен құттықтаймыз! Толағай табыс, шығармашылық шабыт тілейміз!
Қатысушы 17 команданың арасындағы керемет жетістік!
ҚР ішкі істер министрі ұйымдастыруымен Алматы қаласының ҚР ІІМ Мақан Есболатов атындағы полиция академиясында оздырылған “Жас IT-дарын” республикалық ІТ байқауында Наби Айгуль жүлделі 3-орын, Бақытжан Нұралы жүлделі 2-орын, Жасбулат Думан алғыс хат иегері атанды. Жетекшісі Ляззат Асылбекқызы. Жүлдегерлерге құнды сыйлықтар, ноутбук, табыс етілді. Жас дарындарымызды жеңісімен құттықтаймыз, лицей мерейін үстей беріңіздер!
Қазақстан тарихы пәні бойынша 11В сынып оқушысы Гиссатден Нұрәділ жүлделі 3-орын (жетекшісі А.Б.Жексенов) иеленді, қазақ сыныбындағы орыс тілі пәні бойынша 11D сынып оқушысы Ерсайнова Үмітжан жүлделі 3-орын (жетекшісі А.К.Имангалиева). Шәкірттерімізді жетістіктерімен құттықтай отырып, алдағы уақытта сәттілік тілейміз! Жеңісті күндеріміз көп болсын!
26 сәуір күні мектебімізде химия, биология, география пәндері апталығының жабылуы аясында «Жаратылыстану – өмір тану, табиғаттың сырын табу» атты форум өткізілді. Форумның мақсаты - оқушылардың экологиялық білімін тереңдету, табиғатты қорғау қызметіне баулу.
Ақпараттық технологиялар мектеп-лицей интернаты
Қазақстан Республикасы, 090000
Орал қ., Сүндетқали Есқалиев к., 107
Телефон/факс: +7(7112) 31 13 92, +7(7112) 31 13 92
Электронды пошта itlyceum@mail.kz
Лицейдің сенім телефоны 8 (7112) 51 09 59
Ұлттық сенім телефоны 111
БҚО білім басқармасының сенім телефоны 8(7112) 26 04 63
it-lyceum.edu.kz
