16 маусым күні Батыс Қазақстан облыстық дарынды балаларға арналған мамандандырылған ақпараттық технологиялар мектеп-лицей-интернатында 9-сынып бітіруші оқушыларға аттестат табыстау рәсімі өткізілді.
Биылғы жылы негізгі орта сыныпты 47 оқушы бітіріп отыр. Оның 15-і "Үздік аттестатқа" ие болды.
Аттестат алу рәсімінде мектеп директоры Шонбаев Жеңіс Меңдіғалиұлы сөз алып, өз тілегін жеткізді және оқуын үздікке аяқтаған оқушыларға Үздік аттестаттарын табыстады.
"Үздік аттестат" иегерлері Тұрарбек Камилла өздерімен бір толқында болған ұлағатты ұстаздарына, қолдау мен сенім білдірген ата-аналарына алғыс білдіріп, білім жолында серік болған достарына сәттілік тілесе, Наурызбай Малика аяулы ұстаздарына, алтын ұясына арналған жүрекжарды тілегін өлеңмен арнады, ал өнерлі өреніміз Абдуғали Әділет күйден шашу шашты.
Аталмыш шараға ата-аналар да қатысып, ата-аналар атынан Медешова Айгүл анамыз аналық ақ батасын берді.
Негізгі орта білім туралы аттестатқа ие болған оқушыларымыздың қадамдары нық, жолдары ашық болғай!
