2025 жылдың 6 наурыз күні 7-сынып оқушыларына психологиялық денсаулықты нығайту мақсатында “Көңіл күйіңді көтеріп, қуана біл!” тақырыбында сынып сағаты ұйымдастырылды. Іс-шараның басты мақсаты – оқушыларға позитивті ойлаудың маңыздылығын түсіндіру, эмоцияларды басқару дағдыларын қалыптастыру және өмірге қуанышпен қарауға баулу.
Сынып сағаты барысында оқушылармен қызықты тренингтер, сергіту жаттығулары, топтық ойындар мен жағымды көңіл күй сыйлайтын әдістер қолданылды. Сонымен қатар, оқушыларға арнайы таныстырылым көрсетіліп, онда “Психикалық денсаулық дегеніміз не?”, “Өз-өзімізге қалай көмектесеміз?”, “Ашулану дұрыс па?”, “Стресс және дағдарыс” тақырыптары қамтылды. Бұл сынып сағаты оқушылардың өз эмоцияларын түсініп, оларды дұрыс басқару жолдары туралы білімдерін кеңейтуге мүмкіндіктер береді.
