2025 жылдың 26 ақпан күні лицейімізде Дін мәселелерін зерттеу орталығының оңалту жұмыстарын ұйымдастыру бөлімінің басшысы Бабаханов Абдуахид Абытханұлымен кездесу өтті.

Кездесу барысында Абдуахид Абытханұлы оқушыларға діни білім, адамгершілік құндылықтар, рухани тәрбие және қазіргі қоғамдағы діни ағымдардың рөлі туралы пікірімен бөлісті. Сонымен қатар, олар өз сұрақтарын қойып, пікірлерін білдіріп, діни мәселелер бойынша кеңестер алды.

Әңгіме барысында діни сауаттылықты арттыру, рухани тәрбие мен моральдық құндылықтарды насихаттау сияқты маңызды тақырыптар қозғалды. Абдуахид Абытханұлы дұрыс жолды таңдау, теріс ағымдардан сақтану, қоғамдағы рөл мен жауапкершілік туралы ой қозғады.

Бұл кездесу оқушылар үшін ерекше маңызды әрі пайдалы болды, себебі олардың рухани дамуына және дүниетанымының кеңеюіне ықпал етеді деп сенеміз.