Апталық аясында 7-11 сынып оқушылары арасында «BRAWL STARS» Cybersport ойыны ұйымдастырылды. Ойынға барлығы 17 команда қатысып, тартысты ойын өрбіді. Киберспорттың маңыздылығы мен оқушылардың қызығушылығын ескере отырып, бұл жарыс олардың тактикалық ойлауын, командалық үйлесімділігін және тез шешім қабылдау қабілеттерін шыңдауға мүмкіндік берді.
Жарыс нәтижелері: 🥉 3 орын – Dark командасы
🥉 3 орын – Zeko командасы (8 сынып)
🥈 2 орын – SK командасы (7 сынып)
🥇 1 орын – КИТ командасы (9 сынып)
Жеңімпаз командалар арнайы апталықтың қорытынды шарасында марапатталады.
Бұл турнир оқушылардың киберспортқа деген қызығушылығын арттырып, олардың командалық ойын дағдыларын шыңдауға үлкен мүмкіндік берді. Осындай жарыстарды ұйымдастыру – оқушылардың цифрлық және стратегиялық дағдыларын дамытуға маңызды қадам!
«Информатикалық “Сандық ойын”: Білімділерге ғана жол ашық!» 3-кезеңі өтті
Бүгін «Информатикалық “Сандық ойын”: Білімділерге ғана жол ашық!» атты ақылды үзілістің үшінші кезеңі сәтті өтті. Бұл зияткерлік ойын жасөспірімдердің логикалық ойлау қабілетін дамытуға және есептерді шешу шеберліктерін шыңдауға бағытталған ерекше сайыс болып табылады.
Үшінші кезеңге өткен оқушылар екі топқа бөлініп, «Х» және «0» белгісімен жұп құрады. Бұл тур алдыңғы кезеңдерге қарағанда күрделірек тапсырмалармен ерекшеленді. Қатысушыларға ұсынылған есептер логикалық пайымдауды, алгоритмдік ойлауды және шапшаңдықты талап етті.
Қызықты да тартысты өткен сайысқа барлығы 25 оқушы қатысып, олардың ішінен тек 10 үздік оқушы келесі кезеңге жолдама алды. Жеңімпаздар өздерінің тапқырлығы мен жылдам шешім қабылдау қабілетін дәлелдеп, келесі сатыға өтудің лайықты екенін көрсетті.
Бұл кезеңде оқушылардың ойлау қабілеттері, командалық жұмысы және қиын тапсырмаларды шешу дағдылары ерекше сынға түсті. Ойын барысында логикалық есептерді жылдам әрі тиімді шешу үшін түрлі әдіс-тәсілдер қолданылды.
Ақыл мен білімнің сынға түсетін келесі кезеңді асыға күтеміз! Барлық қатысушыларға сәттілік тілейміз!
