Цифрлық технологиялардың қарқынды дамуы білім беру саласына да айтарлықтай өзгерістер енгізуде. Осыған орай, ұстаздардың IT біліктілігін арттыру және цифрлық құралдарды тиімді пайдалану дағдыларын дамыту мақсатында "Құпия код: Мұғалімдерге арналған цифрлық марафон" атты ерекше шара ұйымдастырылды. Апталық аясында өткізілген бұл шара мұғалімдер арасында үлкен қызығушылық тудырып, олардың цифрлық құзыреттіліктерін жетілдіруге бағытталды.
Топтық ойын форматында өткен шара 4 кезеңнен тұрды:
- IT викторина – мұғалімдердің ақпараттық технологиялар туралы жалпы білімдерін тексеруге арналған сұрақтар;
- Әдіс және құрал – түрлі цифрлық білім беру құралдары мен әдістерін қолдану бойынша тапсырмалар;
- Алгоритм – логикалық ойлау мен алгоритмдік дағдыларды дамытуға арналған тапсырмалар;
- Лабиринт – қатысушылар берілген тапсырманы шешу арқылы дұрыс жолды табу керек болған қызықты кезең.
Ойын барысында мұғалімдер топ болып бірлесе жұмыс істеп, IT саласындағы білімдерін ортаға салып, өзара тәжірибе алмасты. Әр кезең қатысушылар үшін қызықты әрі пайдалы болды, олар өздерінің жаңа қырларын танып, логикалық ойлау және жылдам шешім қабылдау дағдыларын дамытты.
Шара қорытындысы бойынша ең жоғары ұпай жинаған команда 1-орынға ие болып, ақшалай сыйлықпен марапатталды. Қатысушылар бұл марафонның қызықты әрі пайдалы болғанын атап өтіп, осындай шаралардың жиі өткізілуін қалайтындарын жеткізді.
"Құпия код: Мұғалімдерге арналған цифрлық марафон" – ұстаздардың цифрлық сауаттылығын арттыруға және жаңа технологияларды тиімді қолдану дағдыларын дамытуға бағытталған маңызды бастама болды. Болашақта осындай шаралар мұғалімдердің кәсіби өсуіне ықпал ететіні сөзсіз!
