Мектебімізде өтіп жатқан «IT ғаламшары: Бүгінгі идеялар – ертеңгі шындық» апталығы аясында  7-11 сынып оқушыларына арналған «IT CODE CUP» бағдарламалау олимпиадасы ұйымдастырылды. Олимпиада оқушылардың алгоритмдік ойлау қабілеттерін дамытып, бағдарламалау дағдыларын шыңдауға бағытталды.

Қатысушылар берілген логикалық есептер мен алгоритмдік тапсырмаларды орындап, өз білімдерін ортаға салды. Олимпиада барысында оқушылар тапсырмаларды  Python, C++ бағдарламалау тілдерінде шығарды.

Олимпиада қорытындысы бойынша жеңімпаздар 21-ақпан күні апталықтың жабылу шарасында марапатталатын болады.

«Информатикалық Сандық ойын: Білімділерге ғана жол ашық!» – Ақылды үзіліс

Олимпиададан бөлек, бүгін «Сандық ойын» ақылды үзілісінің 2-ші кезеңі өтті. Бірінші кезеңнен сүрінбей өткен 50 оқушы білімдерін тағы бір рет сынап, «Ақпарат.Ақпараттың өлшем бірлігі», «ЭЕМ тарихы», «Компьютерлік желілер» және «Компьютер құрылысы» тақырыптары бойынша тапсырмалар орындады.

Барлық қатысушылар жоғары белсенділік танытты. Дәл әрі жылдам жауап берген 5 команда (25 оқушы) келесі 3-кезеңге өтті.

Ең мықты информатика білгірін анықтауға аз қалды! 3-кезең қатысушыларын қызықты әрі күрделі тапсырмалар күтіп тұр!