Бүгін, 22 қаңтар күні мектебімізде Жалпы білім беретін пәндер бойынша облыстық олимпиаданың қорытындысы бойынша жүлделі орындарға ие болған және «Қазақстан Білім Олимпиадасы», «Roboland 2025», «ХХІ Халықаралық Жәутіков олимпиадасының жүлдегерлерін марапаттау үшін салтанатты жиын оздырылды.
Мақсаты: Оқушылардың білімділік, тәрбиелік және зияткерлік әлеуетін дамытуда ынталандыру, дарынды оқушыларымызды марапаттау.
Салтанатты жиын мектеп директоры Шонбаев Жеңіс Меңдіғалиұлының олимпиада қатысушылары мен жеңімпаздарын құттықтау сөзімен ашылды.
Мектебіміздің мерейін асырған олимпиада қатысушылары мен жеңімпаздарын жеңістерімен құттықтап, талаптарыңызға нұр жаусын дейміз! Дарынды оқушыларымызды дайындаған ұстаздар және балаларға қолдау білдірген ата-аналарға алғысымызды айтамыз.
Пәндер олимпиадасының Республикалық кезеңіне жолдама алған оқушыларымыз Аманғали Ақылбек, Асхат Алуа, Зинекешова Ясминур және Абдушев Ринатқа сәттілік тілеп, жүлдемен оралуларына сенім білдіреміз.
