2024 жылдың 12 желтоқсан күні "Тіл мен тарих - ғасырлар куәсі" қазақ тілі мен әдебиеті және тарих пәндерінің апталығы аясында 7ә-сыныбында Қазақстан тарихынан “Бөкей Ордасы қазақтарының 1836-1838 жылғы көтерілісі” тақырыбында ашық сабақ өтті.

Сабақ барысында оқушылар көтерілістің себептері, қамту аумағы, мақсаты, алғышарттары, нәтижесі және жеңілу себептері туралы ақпараттар алды. Жеке, жұптық, топтық тапсырмалар орындалып, оқушылардың бойына жауапкершілік, ынтымақтастық және сыни ойлау дағдыларын сіңіру көзделді. Қазақстан тарихы пәнінің мұғалімі А.Б.Жексенов жаңа сабақты меңгертуде "Кім? Қайда? Қашан?", "Ақиқат/Жалған" әдістері арқылы оқушылардың қызығушылығын оята отырып, интерактивті оқу құралдарын тиімді пайдаланды. Сабақ барысында оқушылар белсенділікпен қатысып, білімдерін бекітуге тырысты. Мұндай ашық сабақтар арқылы оқушылар тарих пәніне деген қызығушылығын арттырып, өз елінің тарихын тереңірек тануға мүмкіндік алды.

Сондай-ақ апталық аясында “Жүзден жүйрік” интеллектуалды ойыны өткізілді. Шараны ұйымдастырушы қазақ тілі мен әдебиеті пәні мұғалімі Райля Қуанышқызы және 11-сынып оқушысы Тұрарбек Камилла. Мектеп мұғалімдері мен 9-сынып оқушылары қатысқан сыныптан тыс шара облыстық, республикалық байқаулардың жеңімпаздары 11-сынып оқушысы Наурызбай Маликаның “Сәттілік саған, жас жүйрік” тілек-өлеңімен және 9-сынып оқушысы Елемесова Данагүлдің жетіген аспабында орындаған “Аққу” күйімен ашылды. 10 қатысушы ұяшықтарда берілген сұрақтарға жауап беріп, өз білім-біліктіліктерін көрсете білді. Ойынға қатысушылар Алғыс хатпен марапатталса, жүзден жүйрік атанып, білімімен оза шапқан 9ә-сынып оқушысы Бекежан Бекзат Дипломмен марапатталып, қаламыздағы "Атамекен" өнер ордасында өтетін “Наз-1” қойылымына көрермен билетін иеленді. Кеш соңы әсем әнмен аяқталды.