Мектебімізде 11 желтоқсан күні Республикалық бірыңғай «Жас Ұлан» балалар мен жасөспірімдер ұйымына қабылдау рәсімі өткізілді. Салтанатты жиын ҚР Гимнімен ашылып, жиынға шақырулы қонақтар мен мектеп әкімшілігі, ұстаздар, мектеп Парламентті қатысты. Салтанатты жиында ұйымға қабылданушы 7 сынып оқушылары «Өз Отаны – Қазақстанның патриоты болуға, «Жас Ұлан» ережесін, бұлжытпай, сақтап отырып, өзінің достарынан соны талап ете отырып, Отанды сүюге салтанатты түрде ант берді. Шараға қатысушы қонақтар "Жас Ұлан", ұйымының мүшелеріне төс белгілерін қадап берді. Директордың бағдарлы оқыту жөніндегі орынбасары Маужігітова Ақырыс Ғабитқызы «Жас Ұлан», ұйымдарына қабылданғандарды құттықтап, ізгі ниетін білдіріп, жолдарына сәттілік тіледі. Салтанатты жиынның жабылу рәсімі «Жас Ұлан» ұйымының Гимнімен аяқталды.